• 2026, fevral~mart oylari

O‘zbekiston “MAHALLA” hayriya fondi Toshkent viloyat bo‘limi tomonidan Chirchiq shahrida ehtiyojmand oilalarga oziq-ovqat mahsulotlari yetkazildi

• 2026, fevral~mart oylari

"Махалла" фонди Тошкент шахар булими хомийлигида Ногиронлар жамияти Учтепа тумани булинмасининг 160 дан зиёд аьзо ногиронлиги булган ватандошларимизни "Рамазон ойи" муносабати билан бугун 4 март куни Учтепа туманида жойлашган "Катта кани" ресторанида хайрия тадбири утказилди. Тадбирда 160 дона ортик исситкич чойнак, 2 дона ногиронлик аравачаси, туман Ногиронлик жамияти булинмасига иш фаолиятида фойдаланиш учун 1 дона моноблок компьютер техникаси хайрия тарзида топширилди. Ушбу тадбир ижтимоий тармокларда ва туман хокимлигини матбуот хизмати томонидан ёритилди.

• 2026, fevral~mart oylari

"Махалла" фонди Тошкент шахар бўлими хомийлигида Тошкент шаҳар, Шайхонтоҳур тумани, "Белтепа" махалла фуқаролар йиғинида яшовчи кам таъминланган, ижтимоий химояга мухтож, боқувчисини йўқотган аёлларга 8 март - Халқаро хотин-қизлар куни муносабати билан бугун 6 март куни хайрия тадбири ўтказилди. Тадбирда 65 нафар аёлларга ўрин-кўрпалар хайрия тарзида топширилди. Шунингдек, 2013-йилда туғилган, болаликдан ногиронлиги бўлган Муроджонова Ойшага ногиронлар аравачаси хамда эсдалик совғалар хайрия тарзида топширилди. Ушбу тадбир ижтимоий тармокларда ва туман хокимлигини матбуот хизмати томонидан ёритилди. Тадбирларимиз давом этади.

• 2026, fevral~mart oylari

Bugun “Qoryogʻdi” mahallasida ezgu va savobli tadbir tashkil etildi. Oʻzbekiston xayriya jamoat fondi tomonidan ehtiyojmand oilalarga oziq-ovqat mahsulotlari tarqatildi. Ramazon oyi — bag‘rikenglik, saxovat va insonparvarlik oyi. Ushbu xayrli tashabbus orqali ko‘plab xonadonlarga quvonch va baraka kirib bordi. Yaxshilik qilishdan to‘xtamaylik, bir-birimizga mehr va e’tiborli bo‘laylik. Ramazonning fayzu barakasi barchamizga nasib etsin!

• 2026, 30 - yanvar

Маҳалла асрлар давомида халқимиз ҳаётида муҳим ижтимоий институт сифатида шаклланиб, аҳоли ўртасида ҳамжиҳатлик, ўзаро ёрдам, меҳр-оқибат ва инсонпарварлик туйғуларини мустаҳкамлаб келмоқда. Бугунги кунда маҳалла фақатгина яшаш ҳудуди эмас, балки жамият тараққиёти, ижтимоий барқарорлик ва аҳоли фаровонлигини таъминлашда ҳал қилувчи бўғинга айланмоқда.

Сўнгги йилларда мамлакатимизда маҳалла институтини ривожлантириш, унинг ваколат ва имкониятларини кенгайтириш, аҳолининг ижтимоий ҳимоясини маҳалла орқали самарали ташкил этишга алоҳида эътибор қаратилмоқда. Давлат томонидан қабул қилинаётган қарор ва дастурлар маҳалланинг жамият ҳаётидаги ўрнини янада мустаҳкамламоқда.

Ана шу жараёнларда “Маҳалла” хайрия жамоат фонди маҳалла институтини қўллаб-қувватлаш, унинг ижтимоий имкониятларини ошириш ва аҳолини ижтимоий муҳофаза қилишда муҳим ўрин тутиб келмоқда. Фонд ўз фаолиятини маҳалла тизими билан узвий боғлаган ҳолда, аҳолининг эҳтиёжманд қатламларини қўллаб-қувватлаш, жойларда мавжуд муаммоларни ўз вақтида аниқлаш ва бартараф этишга қаратилган кенг кўламли ишларни амалга оширмоқда.

Биргина ўтган йили “Маҳалла” хайрия жамоат фонди ўз иш режаси ва Уставида белгиланган вазифалар асосида қатор маънавий-маърифий ҳамда ижтимоий аҳамиятга молик тадбирларни ҳаётга татбиқ этди. Бу ишлар маҳаллаларда аҳолининг турмуш даражасини яхшилаш, ижтимоий адолатни таъминлаш ва инсон қадрини улуғлашга хизмат қилди.

Ҳисобот даврида фонд томонидан ижтимоий ҳимояга муҳтож аҳоли қатламларига алоҳида эътибор қаратилди. Хусусан, ижтимоий ҳимояга муҳтож ва табиий офатдан жабр кўрган 4 680 нафар фуқарога хайрия ёрдамлари кўрсатилди. Шу билан бирга, маҳаллалар орқали аҳолининг кундалик эҳтиёжларини қондиришга қаратилган амалий ишлар ҳам олиб борилди. Хусусан, 16 нафар фуқарога 77 млн. сўмлик ногиронлик аравачалари етказиб берилди, олий таълим муассасаларида таҳсил олаётган 58 нафар талабага 481,85 млн. сўм миқдорида моддий ёрдам кўрсатилди. Соғлиғини тиклашга муҳтож 297 нафар шахсга 1 млрд. сўмлик моддий ёрдам ва маҳсулотлар тақдим этилди.

Бундан ташқари, маҳаллаларда эҳтиёжманд аҳоли учун, яъни 2 257 нафар фуқарога 893 млн. сўмлик кийим-кечак маҳсулотлари, 949 нафар шахсга 631 млн. сўмлик озиқ-овқат ва хўжалик моллари тўпламлари беғараз равишда тарқатилди.

“Маҳалла” хайрия жамоат фонди томонидан амалга оширилаётган ушбу ишлар маҳалла институтининг жамиятдаги ўрни ва нуфузини янада оширишга, аҳолининг давлат ва жамиятга бўлган ишончини мустаҳкамлашга хизмат қилмоқда. Энг муҳими, бу эзгу саъй-ҳаракатлар маҳаллада инсон қадрини улуғлаш, эҳтиёжмандларни қўллаб-қувватлаш ва жамиятда ижтимоий ҳамжиҳатликни оширишга қаратилгани билан аҳамиятлидир.